30.09.2018 - 14:16
Presidenti Ilir Meta ka përshëndetur sot votimet për referendumin për emrin e ri të Maqedonisë.
Përmes një statusi në ‘Facebook’ Meta theksoi se shqiptarët e Maqedonisë kanë sot mundësinë që të tregojnë përkatësinë e tyre euro-atlantike jo vetëm duke votuar qartësisht PRO.
“Sot, qytetarët e Maqedonisë janë thirrur të vendosin për të ardhmen e tyre. Pjesëmarrja sa më e madhe e tyre në referendum është vendimi i duhur, i mençur dhe i përgjegjshëm në këtë ditë historike për ta. Shqiptarët e Maqedonisë kanë sot sërish mundësinë të tregojnë përkatësinë e tyre euro-atlantike jo vetëm duke votuar qartësisht PRO, por sidomos duke marrë pjesë masivisht në këtë votim historik për të ardhmen e Maqedonisë”, shkruan Meta në ‘Facebook’.
