Kishte reshtuar së përkujtuari edhe pse akti heroik i 6 dëshmorëve të Rëmbecit në Korçë ka mbetur në kujtesën e atyre që kanë jetuar atë kohë, por së fundmi Bashkia e Maliqit ka vendosur të organizojë këtë fundjavë në 16 shtator Festën e Përkujtimit të të Rënëve të Luftës Nacional Çlirimtare, fillesat e së cilës datojnë që në shtator të vitit 1946.
Kështu pas afro 28 vitesh, Bashkia Maliq ka vendosur ta rikthejë traditën e përkujtimit të kësaj dite me një kalendar festiv, paçka se ngjarja lidhet me rënien në luftë të 6 dëshmorëve në fshatin Çiflig. Përgatitjet kanë filluar që këtë të premte. Elidjon Rustemi , administrator i kësaj njësie shprehet se aktiviteti do të përmbajë një sërë veprimtarish.
“Aktiviteti do të hapet me homazhet në Labidarin e fshatit Rëmbec për të vazhduar me organzimiet nga Qëndra Kulturore Maliq e për të përfunduar me gatimet tradicionale të zonës. Koncerti i zhvilluar nga Qendra Kulturore do të mbahet për të gjithë të pranishmit, banorë, përfaqësues nga pushteti lokal dhe natyrisht veteran “, shprehet ai.
Në këtë ditë kalendari i aktiviteteve do të jetë i ngjeshur për të filluar nga ora 10:00 e paradites deri në orët e pasdites së vonë dhe synohet të shëndrrohet në të ardhmen, sipas drejtuesve të pushtetit vendor, në një atraksion turistik për zonën e cila njihet për bukuritë e saj natyrore.
Përgatiti: L.S.
VAZHDO TË LEXOSH MË TEPËR PËR TEMËN
