Deputeti i Lëvizjes Vetëvendosje Rexhep Selimi në një dalje në media, u shpreh se presidenti i Kosovës, Hashim Thaçi, nuk po i mbron interesat e Kosovës.
Sipas tij, Thaçi po çon përpara agjenda të projektuara diku tjetër që bien ndesh me interesat e Kosovës.
“Sikur ajo që po e preklamon, me retorikën e tij, si kamuflazh, për korrigjim kufijsh”, ka shtuar deputeti Selimi.
“S’kemi të bëjmë me korrigjim kufijsh”, ka thënë Selimi, duke vlerësuar se Thaçi është duke bërë “pazare me troje”.
Të gjitha këto lëvizje, deputeti Selimi tha se Hashim Thaçi po i bën për të shpëtuar veten e tij nga Gjykata Speciale, si dhe për të tërhequr vëmendjen.
Rexhep Selimi më parë ka qenë pjesë e PDK-së, partisë së themeluar dhe drejtuar nga Hashim Thaçi, por pas një përplasjeje me Thaçin, iu bashkua Vetëvendosjes së Albin Kurtit në vitin 2010.
Selimi ka qenë edhe pjesë e UÇK-së si anëtar i Shtabit të Përgjithshëm dhe komandant zone operative. Njihet edhe si njeriu që lexoi deklaratën e paraqitjes së parë publike të UÇK-së.
VAZHDO TË LEXOSH MË TEPËR PËR TEMËN
Korrigjimi i kufijve destabilizon rajonin?
