Presidenti i Kosovës, Hashim Thaçi ka nisur një iniciativë me synimin për të anashkaluar Kuvendin e Kosovës rreth një marrëveshjeje të mundshme me Serbinë.
Ai e ka dërguar në Gjykatën Kushtetuese kërkesën për interpretimin e nenit 18 të Kushtetutës së Kosovës, që flet për ratifikimin e marrëveshjeve ndërkombëtare, që duhet të ndodhë me 2/3 e votave të deputetëve.
Neni i 18 i Kushtetutës së Republikës së Kosovës për të cilin presidenti Thaçi i ka bërë kërkesë Gjykatës Kushtetuese për interpretim përmban:
1. Kuvendi i Republikës së Kosovës me votat e dy të tretave (2/3) e të gjithë deputetëve ratifikon marrëveshjet ndërkombëtare për disa çështje, dhe mbi të gjitha për territorin, paqen, aleancat, çështjet politike dhe ushtarake.
Gjykata Kushtetuese e Kosovës, pas kërkesës nga presidenti Thaçi, ua ka dërguar njoftimin deputetëve të Kuvendit, duke kërkuar komente nga ana e tyre.
