16.09.2018 - 09:56
Një ngjarje e rëndë ka ndodhur gjatë natës në qytetin e Pogradecit, ku një banese i është vendosur tritol.
Shënjestër e sulmit ka qenë banesa e biznesmenit Bajram Fejzollari, i cili është pronar i një lokali në qytetin e Pogradecit dhe i një televizioni dhe disa bizneseve të tjera.
Ngjarja ka ndodhur rreth orës 00:45, ku lënda plasëse është hedhur në lulishten e banesës në lagjen nr 1.
Njoftimi i plotë:
Pogradec
Informacion paraprak.
Më datë 16.09.2018, rreth orës 00:45, në lagjen nr 1 në Pogradec, në lulishten e banesës së shtetasit B.F, 60 vjeç, ka shpërthyer një sasi e vogël lënde shpërthyese.
Nga shpërthimi, nuk ka as dëme në njerëz dhe as dëme materiale.
Po punohet për zbardhjen e rrethanave të ngjarjes, identifikimin dhe kapjen e autorëve.
