Vendi i Maqedonisë është në Bashkimin Evropian dhe në NATO, tha sot në Kërçovë kryeministri i Maqedonisë, Zoran Zaev. Ai i bërë thirrje qytetarëve të dalin më 30 shtator dhe të votojnë për Maqedoninë evropiane.
“NATO do të thotë siguri, paqe dhe stabilitet. NATO do të thotë paqe dhe asnjëherë më luftëra. Neni 5 i Marrëveshjes së NATO-s thotë se nëse sulmohet një vend anëtar ajo do të thotë se është sulmuar NATO dhe të gjitha vendet anëtare. Me hyrjen në NATO përfundimisht do ta sigurojmë Maqedoninë dhe do të kemi stabilitet në rajon”, tha Zaev.
Kryeministri Zaev e përkujtoi referendumin e vitit 1991 kur Maqedonia u bë e pavarur dhe të gjithë maqedonasit u ndjenë krenar për këtë gjë.
“Kjo gjeneratë gjithashtu ka rol historik. Nëse në vitin 1991 e fituam pavarësinë e vendit, tani duhet ta sigurojmë dhe përfundimisht pas 27 vitesh të niset përpara”, theksoi Zaev.
Ai tha se dilema për referendumin nuk ka dhe se NATO dhe BE janë alternativa e vetme për Maqedoninë, si dhe u bëri apel qytetarëve të dalin në 30 shtator dhe të votojnë pro referendumit.
VAZHDO TË LEXOSH MË TEPËR PËR TEMËN
