John Griffith London, i njohur për disa të tjerë si Jack London, i lindur më 12 Janar 1876 ishte një novelist amerikan, gazetar dhe aktivist shoqëror.
Një pionier në botën e revistës komerciale, ai ishte një nga shkrimtarët e parë që u bë një njeri i famshëm mbarëbotëror dhe fitoi një pasuri të madhe nga shkrimi. Ai ishte gjithashtu një novator në zhanrin që më vonë do të bëhej i njohur si “science fiction”.
Sipas Xhek Londonit, reflektimet e fytyrës, të gjesteve të meshkujve amerikano-veriorë në shishet dhe gotat e pijeve, veçanërisht të forta, në pijetoret e Shteteve të Bashkuara të Amerikës, tregonin këto mesazhe kryesore:
1. Ekspozimin e lartë të burrërisë, duke kthyer gotë pas gote, por edhe përpjekjet për të harruar lodhjet sfilitëse nga punët e rënda të ditës;
2. Demonstrimin e kundërkonformizmit në raport me normat kulturore tradicionale dhe sidomos ato ligjore dhe përkujtimin e një miku ose bashkëpunëtori të afërm të ndarë nga kjo jetë;
3. Mbytjen e mërzisë nga dështimi në ndonjë biznes, por shprehnin edhe optimizmin për të filluar një veprimtari tjetër me shpresën se do të ishte më fitimprurëse;
4. Prirjen për të thelluar njohjen më të imtësishme të miqve ose bashkëpunëtorëve, por edhe përpjekjet për të tejkaluar gjendjen e rënduar psikologjike nga sasia e madhe e pijeve alkoolike të konsumuara më parë;
5. Manifestimin e azganllëkut, të bujarisë, duke qerasur pijetarë miq, të njohur e të panjohur, por edhe përpjekjet për të harruar zënkat me fjalë e sherret e dhunshme me të tjerët;
6. Prirjen për të sfiduar në mënyrë të vrazhdë kundërshtarët, por edhe dëshirën për të arsyetuar në mënyrë filozofike;
7. Tejkalimin e zbrazëtisë që u provokonte ndarja me të dashurën ose divorci me bashkëshorten, por edhe gëzimin e përfitimeve të majme nga veprimet kontrabandiste;
8. Justifikimin për daljen nga vetja kur ishin të përmbajtur, por edhe përpjekjen për të tejkaluar dehjen, duke pirë përsëri pije alkoolike;
9. Sfidimin e fataliteteve të jetës së përditshme. Por edhe përkujtimin e aventurave të suksesshme;
10. Reflektimin e thellë për gabimet vetjake dhe të miqve të afërt, por edhe nxitjen e dëshirave për aventura të reja;
11. Rilevimin e krenarisë për shumëçka, por edhe nxitjen e shakave të shumëllojshme, nga më finet deri tek ato më vulgaret;
12. Parapëlqimin për pije alkoolike të ndryshme;
13. Shprehnin përpjekjet për të thelluar argumentimet rreth çështjes që diskutonin, por edhe për të “lubrifikuar” sportivitetin me të cilin tejkalonin situatat e ndërlikuara e kontradiktore.
Qelqet e gotave të pijeve ngriheshin si mure ndarës ndërmjet orëve të punës sfilitëse dhe atyre të dëfrimit, por ishin edhe respekte për banakierët që u ofronin pije pijetarëve, kur nuk kishin asnjë kokërr leku në xhep.
Kësisoj, komunikimi me gotën e pijeve alkoolike reflektonte mesazhe që kishin të bënim me aspektet kryesore të punës e të mënyrës së jetesës së shumicës së meshkujve amerikanë, me formimin e tyre psikokulturor, me veset e virtytet kryesore.
Veprat e tij më të famshme përfshijnë “Call of the Wild” dhe “White Fang”si dhe tregimet e shkurtra “Për të ndërtuar një zjarr”, “Një Odisea e Veriut” dhe “Dashuria e Jetës”. Ai gjithashtu shkroi për Paqësorin e Jugut në tregime të tilla si “The Pearls of Parlay” dhe “The Heathen”.
London vdiq më 22 Nëntor 1916.
VAZHDO TË LEXOSH MË TEPËR PËR TEMËN
Pse gratë ecnin gjithmonë pas burrave?!
