Një shije e hidhur në gojë, një kollë kronike, dhimbje të fytit, lodhje … nëse zgjohesh çdo mëngjes me këto simptoma, duhet të vizitohesh.
Çdo ditë miliona njerëz përjetojnë urth dhe gjendjen më serioze të sëmundjes së refluksit gastroezofageal (GERD). Hulumtimet tregojnë se urthi prek gati katër nga pesë persona.
Urthi shpeshherë i prish gjumin dhe nga kjo pagjumësi personat e nisin të lodhur ditën e ardhshme.
Nëse je një nga këta njerëz, gjej lehtësim me këto mënyra të thjeshta të jetesës, stërvitjes dhe ngrënies.
12 këshilla për mënyrën e të ngrënit dhe të pirjes në lidhje me urthin.
• Parandalimi i urthit është duke kufizuar ushqimet acidike, të tilla, si: portokall, domate ose uthull;
• Ushqimet pikante ju japin urth? Përpiquni të hani sa më pak ushqime të tilla;
• Mos u shtrini dy deri në tre orë pasi keni ngrënë. Kur jeni të ulur, graviteti ndihmon në nxjerrjen e ushqimit dhe acidit në stomakun tuaj;
• Hani vetëm ushqime pa yndyra. Ushqimet me yndyrë (si patatet e skuqura dhe hamburgerët) mund të shkaktojnë urth;
• Dëshironi të shmangni simptoma të GERD-it? Ju duhet të konsumoni më pak çokollatë, nenexhik, agrume, domate, piper, uthull, salcë të kuqe dhe mustardë;
• Shmangni pije që mund të shkaktojnë refluks, të tilla, si: alkooli, pije me kafeinë dhe pije të gazuara;
• Madhësia ka rëndësi: Hani ushqime më të vogla dhe mund të shmangni shkaktimin e simptomave të GERD;
• Dëshironi një pije pas punës? Alkooli mund të relaksojë sfinkterin ezofageal duke përkeqësuar GERD;
• Ju pëlqen të pini Coca-Cola? Mund të jetë koha për të ndaluar. Cola mund të lidhet me refluksin dhe simptomat GERD;
• Mos hani shumë shpejt! Provoni të vendosni pirunin tuaj në tavolinë pas çdo kafshate;
• Shmangni çokollatat në kohën e gjumit. Ngrënia afër gjumit mund të shkaktojë simptoma të urthit;
• Zvogëloni rrezikun e urthit gjatë natës: Hani ushqim dy deri në tre orë para gjumit.
16 këshilla për stomakun
• Mos vishni rroba të ngushta. Rripat e ngushtë mund të shtypin stomakun duke shkaktuar urth;
• Përpiquni për një jetë më pak stresuese. Stresi mund të rrisë acidet e stomakut duke rritur simptomat e urthit;
• Pesha juaj ndikon shumë. Presioni i peshës së tepërt rrit mundësinë që acidi i stomakut do të ngjitet në ezofag;
• Provoni të hani çamçakëz gjatë natës. Kjo mund të nxisë prodhimin e pështymës, e cila neutralizon acidin e stomakut;
• Jo të gjitha llojet e ushqimeve shkaktojnë simptoma të GERD te të gjithë. Vëzhgoni simptomat për të gjetur shkaktarët tuaj personal;
• Shtatzënë? Ju mund të përjetoni urth ose GERD. Bisedoni me mjekun tuaj për gjetjen e lehtësimit;
• Përkeqësim i urthit pas stërvitjes? Pini shumë ujë pasi ndihmon me hidratimin dhe tretjen;
• GERD i patrajtuar mund të rrisë rrënjësisht rrezikun e kancerit të ezofageal, por refluksi mund të menaxhohet. Bisedoni me mjekun tuaj;
• Mundohuni të mbani një ditar ose një regjistër për të shënuar aktivitetet që mund të shkaktojnë incidente;
• Një bark i plotë mund të nënkuptojë një natë plot me dhimbje urthi. Prisni të paktën 2-3 orë pasi hani para se të shkoni në shtrat;
• Prisni të paktën dy orë pas një vakti para se të bëni stërvitje;
• Nikotina mund të shkaktojë relaksimin e muskujve tuaj të ezofagut. Nëse pini duhan duhet të ndaloni menjëherë;
• Disa ilaçe mund të përkeqësojnë refluksin. Bisedoni me mjekun tuaj për alternativat;
• Koka e shtratit tuaj duhet të ngrihet në lartësinë e saj 6 inç, kështu që ju mund të flini me kokën dhe gjoksin të ngritur;
• Përkuluni me gjunjë. Nëse përkuleni te beli ka tendencë për të rritur simptomat e refluksit.
