28.10.2018 - 14:58
Ngrohja me dru zjarri është një nga zgjidhjet më popullore, kryesisht nëpër rrethe për të përballuar motin e ftohtë të stinës së dimrit.
Kështu, edhe banorët e Korçës, kanë zgjedhur këtë mënyrë, ndonëse ata ankohen për çmimin e druve.
Shumë prej tyre thonë se e kanë të vështirë t’ia dalin pasi çmimi i druve ka pësuar sërish rritje këtë vit.
“Detyrohemi të kursejmë për të blerë dru. Kushtojnë mbi 220 mijë lekë.”
Disa shprehen se janë të detyruar të marrin lekë hua te të afërmit për të pajisur shtëpinë me dru.
Por më shumë vështirësi has mosha e tretë. Me pensionin minimal nuk mund të mbulojnë të gjitha shpenzimet.
Në Korçë një metër kub dru këtë dimër blihet me 2 mijë lekë.
