Në plakjen e lëkurës së fytyrës ndikojnë shumë faktorë. Dikur mendohej se mosha ishte faktori i vetëm dhe të kishe rrudha në fytyrë në një moshë të caktuar ishte mëse e zakonshme, por sot jo.
Ka filluar “një luftë” ndaj rrudhave në fytyrë, qafë etj. A ka ndonjë mënyrë që të na ndihmojë në këtë “luftë” me rrudhat? Lexoni më poshtë disa truke:
Flini gjithmonë me shpinë
Të flesh 8 orë janë një ndihmë e madhe dhe një qetësim i rëndësishëm për shëndetin në tërësi dhe për fytyrën në veçanti. Privimi kronik i gjumit mund të ulë ndjenjën e mirëqenies dhe të rrisë gjasat e depresionit.
Depresioni i rëndë mund të shkaktojë rrudhje duke prodhuar tkurrje të padëshirueshme të muskujve që kontrollojnë ballin dhe muskujt rreth gojës.
Nëse flini barkas atëherë edema apo dhe rrudhat pozicionale sado minimale do të linin shenja të rëndësishme në fytyrë që me kalimin e kohës do të ishte e vështirë për t’i hequr.
Hani më shumë peshk, sidomos salmon
Peshku është një burim i mirë i proteinave si dhe ushqyesve të tjerë që lejojnë trupin të çojë proteinat dietetike në lëkurë. Një lëkurë e shëndetshme është e hidratuar dhe krijon shumë vonë rrudha.
Relaksoni fytyrën kur flisni
Përdorimi i përsëritur i të njëjtit muskul në fytyrë do të prodhojë rrudha të thella.
Kjo është veçanërisht e vërtetë për rrudhat e gjata horizontale që mund të ndikojnë në ball, linjat e këmbëve që shfaqen në anët e syrit, linjat vertikale ndërmjet syve dhe linjave të caktuara rreth gojës që shfaqen sidomos kur nevrikoseni.
Meqë kontraktimet e muskujve të fytyrës janë një pjesë shumë e rëndësishme e komunikimit jo-verbal, do të ishte mjaft e vështirë të shmangni përdorimin e tyre, por të paktën përdorini me butësi.
Mos e lani shpesh fytyrën
Një sapun që përdoret për të hequr papastërtinë nga ana tjetër do të largojë edhe yndyrnat e fytyrës. Meqenëse lëkura jonë prodhon yndyrna natyrisht, është e rëndësishme të siguroheni që kjo yndyrë natyrale të plotësohet.
Disa njerëz, sidomos të moshuarit, kanë vështirësi në realizimin e kësaj, kështu që mund të jetë e nevojshme ta shtoni atë përsëri duke përdorur një hidratues të mirë të fytyrës. Larja e shpeshtë e fytyrës e dëmton këtë shtresë ndaj nuk duhet të teprohet.
Merrni vitaminën C
Vitamina C është e nevojshme për prodhimin normal të kolagjenit, prandaj është e rëndësishme të siguroheni që dieta juaj të përmbajë ushqime të pasura me këtë vitaminë.
Përveç kësaj, shmangia e dritës ultravjollcë nga dielli ose nga burimet artificiale të dritës është ndoshta rekomandimi i vetëm më i rëndësishëm për minimizimin e rrudhave.
Soja është e rëndësishme për kujdesin e lëkurës
Ekzistojnë prova që disa ekstrakte të sojës mund të përmirësojnë disa aspekte të lëkurës që shfaqen me kalimin e moshës. Megjithatë, ka nevojë për më shumë të dhëna për efektet e sojës në përmirësimin e rrudhave.
Zgjidhni kakao para kafesë
Disa pije popullore në mëngjes, të tilla si çaj, kafe dhe kakao përmbajnë sasi të konsiderueshme të një sërë anti-oxidantësh. Por efekti që ka konsumimi i tyre në plakjen dhe rrudhat, është ende i papërcaktuar.
Faktorë të tjerë që ndikojnë në rrudhjen e fytyrës
Dy faktorët më të rëndësishëm që kontribuojnë në plakjen dhe rrudhat e lëkurës janë ekspozimi në dritën ultravjollcë dhe pirja e duhanit.
Kufizimi i ekspozimit të diellit duke shmangur qëndrimin dhe vendosja çdo ditë e kremit për mbrojtje nga dielli me faktor të lartë mbrojtës, SPF 50, është shumë efektive në kufizimin e shfaqjes së rrudhave në fytyrë.
Për të parë efektin e diellit në lëkurën e fytyrës ju thjesht krahasoni lëkurën afër sqetullës tuaj me atë të fytyrës dhe do të shikoni ndryshimin e madh.
Pirja e duhanit duhet të shmanget për shumë arsye shëndetësore, por sidomos për aftësinë që ka për të shkaktuar rrudhje dhe për shkak të lidhjes së saj me kancerin e mushkrisë.
Gjithashtu përdorimi i kremrave anti-rudha
Një sërë kremrash janë të pajisur me substanca kundër-plakje që ndikojnë në formimin e rrudhave ose i zbusin ato pasi janë formuar.
Por, nuk duhet që të harroni se është shumë më mirë që të parandaloni formimin e tyre.
