Kosovë
Kryetari i Lëvizjes Vetëvendosje, Albin Kurti, në një konferencë për medie, ka thënë se bashkëpunimi dhe marrëveshjet mes Kosovës dhe Shqipërisë në fushën e ekonomisë janë vetëm zotim, por jo edhe zbatim.
Kurti tha se bashkëpunimi i Kosovës dhe Shqipërisë shpie te fuqizimi i ndërsjellët drejt integrimit dhe bashkimit në mes dy vendeve, por kjo nuk po ndodh për shkak të mos zbatimit të marrëveshjeve të nënshkruara në mes dy vendeve që nga viti 2014.
Kosovë
Zëvendëskryeministri i Kosovës, Enver Hoxhaj, e ka demantuar lajmin e publikuar në mediat serbe, ku është publikuar një listë me emrat e zyrtarëve të lartë shtetëror serbë, të cilëve kinse u ndalohet hyrja në Kosovë.
Zëvendëskryeministri Hoxhaj, e ka quajtur propagandë serbe të stilit sovjetik në raport me Kosovën “listën e zezë” me emrat e zyrtarëve të lartë serbë, të cilëve kinse u ndalohet hyrja në Kosovë.
Serbi
Mediat serbe vazhdojnë me propagandën e fuqishme kundër Kosovës, veçmas pas zbatimit të taksës doganore për mallrat e Serbisë dhe Bosnjës e Hercegovinës që hyjnë në Kosovë.
Gazeta serbe Novosti, shkruan se “edhe para zbatimit të taksës doganore për hyrjen e mallrave nga Serbia në territorin e Kosovës, autoritetet e Prishtinës më 1 nëntor kanë marrë vendim që zyrtarëve më të lartë të Beogradit t’u ndalohet kalimin nëpër vendkalimet kufitare në mënyrë që të mos hyjnë në Kosovë”.
Maqedoni
Gazeta hungareze Politico, njofton se arratisja e ish-kryeministrit maqedonas, Nikolla Gruevski është ndihmuar nga pjesëtarët e inteligjencës përmes itinerarit ballkanik deri në Hungari.
Referuar gazetës, shërbimet sekrete hungareze kanë pasur qasjen e tyre në arratisjen e tij.
Kosovë
Në projekt buxhetin e propozuar nga Qeveria e Kosovë për vitin 2019 për Ministrinë e Forcës së Sigurisë së Kosovës janë paraparë të shpenzohen 58 milionë e 688 mijë e 060 euro. Prej kësaj shume, vetëm për paga dhe mëditje janë paraparë 23 milionë e 459 mijë e 849 euro.
Ku gjithsej, numri i punëtorëve në këtë institucion është 3 mijë e 480 euro. /Konica.al/
VAZHDO TË LEXOSH MË TEPËR PËR TEMËN
Kurti: Nuk ka zbatim të marrëveshjeve Kosovë-Shqipëri
Hoxhaj: ‘Lista e zezë’, propagandë e stilit sovjetik kundër Kosovës
