25.11.2018 - 21:54
Lagjia “Guerile” në qytetin e Shkodrës, zhytet përsëri në probleme, për banorët, si çdo vit teksa nisin reshjet e shiut.
Sistemi rrugor tejet i amortizuar bën që banorët ta kenë shumë të vështirë lëvizjen në ditë me diell dhe pothuajse të pamundur në ditë me shi.
Banorët e lagjes thonë se duhet t’i marrin fëmijët në krahë për t’i kaluar, pasi rruga është e mbuluar me ujë.
Përveç këtij shqetësimi ata pohojnë se askush nuk është kujtuar për to.
Janë rreth 3 mijë banorë të kësaj lagjeje që u duhet të kalojnë përmes pellgjeve me ujë për të shkuar në shkollë apo në punë.
Ndonëse janë banorë të qytetit, ata nuk ndihen aspak të tillë.
