Komisioni i Pavaruar i Kualifikimit në kuadër të Vettingut, po mban një seancë dëgjimore me gjyqtarin e Gjykatës së Apelit Gjirokastër, Enton Dhimitri.
Gjyqtari Dhimitri ndërkohë është edhe kandidat për KED, ndërsa trupa gjykuese është e përbërë nga Xhensila Pine, Genta Tafa, Pamela Qirko.
Sipas Komisionit të Pavarur të Kualifikimit, hetimi për gjyqtarin do të bazohet në 3 kriteret: pasuri, imazh dhe aftësi profesionale. Komisioni i Pavarur i Kualifikimi ka theksuar se mbi informacionet e ILDKPKI gjyqtari Dhimitri ka bërë deklarim të saktë pasurie , ndërsa ka qenë bashkëpunues gjatë të gjithë procesit të hetimit.
Gjykatësi Enton Dhimitri rezulton se posedon një automjet të blerë në 2011 kundrejt shumës 13900 euro, ndërsa burimet për blerjen e saj cilësohen të ligjshme. Gjithashtu gjyqtari Enton Dhimitri ka një apartament 93 m² në Gjirokastër me vlerë 4 milionë lekë.
Kujtojmë se procesi i Vettingut ka nxjerrë jashtë sistemit të drejtësisë shumë prokurorë dhe gjyqtarë, të cilët pas verifikimeve të kryera kanë rezultuar se nuk kanë bërë deklarime të sakta për pasuritë dhe burimin e tyre.
VAZHDO TË LEXOSH MË TEPËR PËR TEMËN
Ankimohet vendimi i “Vettingut” për prokuroren Sevdari
‘Gjunjëzohet’ drejtësia/ 50% të shkarkuar nga vettingu
