Një shqiptar 19 vjeç dhe një grek 21 vjeç kanë pranuar vrasjen në mënyrë mizore të një të vajze të re greke, Eleni Tupaludhi.
Ngjarja e rëndë ndodhi më datë 28 nëntor në ishullin grek Rodhos, në të cilin ajo ishte studente.
Mësohet se ata e kishin marrë studenten në shtëpi, duke i kërkuar asaj akte seksuale, të cilat vajza i kishte refuzuar. Kjo ka bërë që dy të rinjte, të ushtrojnë dhunë ndaj saj.
Ata dyshohet se e kanë goditur atë me sende të forta në kokë dhe e kanë mbytur. Më pas për ta bërë ngjarjen aksidentale ata e kanë hedhur në det.
Hetimet zbuluan gjurmët e ADN-së të studentëve si në makinë, ashtu edhe në shtëpinë e njërit prej dy autorëve.
Sipas burimeve policore, dy të akuzuarit i hedhin fajin njëri tjetrit, ndërsa avokatët nuk u lejuan të marrin pjesë në seancën e djeshme pyetësore.
Në duart e autoriteteve helene ekziston edhe një listë me thirrjet e fundit telefonike, që do të hedhin më shumë dritë për zbardhjen e rastit.
Ngjarja ndodhi në 28 nëntor, kur policia në ishulln Rodos zbuloi trupin e 21-vjeçares në shkëmbinjtë e bregdetit, thuajse të zhveshur.
