Mbrëmjen e djeshme në Kavalla të Greqisë u qëllua për vdekje me armë zjarri 18 vjeçari Marios Isa, nga Leskoviku.
Identifikimi i tij është bërë nga prindërit e Marios, të cilët janë shoqëruar në polici pas ngjarjes së rëndë.
18-vjeçari shqiptar kishte vite që qëndronte në shtetin helen, ku babai është punëtor në ndërtim, ndërsa e ëma punon në piceri.
Marios Isa është qëlluar me dy plumba, ndërsa ishte lojtar i një ekipi futbolli grek, Heracles.
“Kavala News” shkruan se viktima mori goditje të vetme në shpinë, që i shkaktuan vdekjen e menjëhershme. Sipas autoriteteve vendase, vrasësi i të riut shqiptar dyshohet se ishte profesionist.
Banorët pasi kanë dëgjuar të shtënat kanë lajmëruar policinë e cila ka mbërritur duke rrethuar vendin e ngjarjes. Ai është gjetur i pajetë mes një pellgu gjaku në rrugë, në afërsi të banesës së tij në lagjen prapa Tregut Komunal të qytetit.
Prindërit janë marrë në pyetje, ndërsa 18-vjeçari jetonte prej vitesh në Greqi, aty ku kishte mbaruar edhe shkollën.
E ndërsa ende nuk ka një pistë zyrtare, mediat greke shkruajnë mund të jetë një viktimë e përplasjeve për drogën.
