Ditën e djeshme, Shqipëria shpalli non-grata, dy diplomatë iranian në Shqipëri, ku njëri prej tyre ishte dhe vetë ambasadori iranian.
Pas këtij akti kanë reaguar disa funksionarë të shteteve të ndryshme, ndër to së fundmi, dhe kryeministri i Izraelit, Benjamin Netanjahu.
Netanjahu, ka vlerësuar homologun shqiptar Edi Rama për dëbimin e ambasadorit iranian nga Shqipëria.
“Lajme të rëndësishme nga Shqipëria sot. Kryeministri i Shqipërisë, Edi Rama, ka dëbuar ambasadorin Iranian nga Tirana. Me këtë, kreu i qeverisë Rama i ka dërguar një mesah të qartë regjimit radikal islamik të Iranit – që komplotet e sulmeve terroriste e kanë një kosto,” shkruan Netanjahu.
Important news from Albania today. The Prime Minister of Albania, Edi Rama, expelled the Iranian ambassador from Tirana. By doing so, Prime Minister Rama has sent a clear message to the Iranian radical Islamic regime – that plotting terror attacks has a cost.
— PM of Israel (@IsraeliPM) December 20, 2018
Shqipëria shpalli persona të padëshiruar (non grata) ambasadorin e Republikës Islamike të Iranit në Tiranë Gholamhossein Mohammadnia si dhe një zyrtar tjetër tjetër të ambasadës, pasi dyshohet se janë përfshirë në aktivitete që cënojnë sigurinë në vend.
Burime nga MEPJ bënë me dije se vendimi i Shqipërisë për shpalljen e ambasadorit iranian dhe zyrtarit tjetër si të padëshiruar është marrë në konsultim me vendet aleatë, për shkak të aktivitetit të tyre në Shqipëri në kundërshtim me statusin e tyre diplomatik.
Vendimi u përshëndet edhe nga Presidenti i Shteteve të Bashkuara të Amerikës, Donald Trump.
VAZHDO TË LEXOSH MË TEPËR PËR TEMËN
Këshilli Kombëtar i Rezistencës së Iranit përshëndet vendimin e Tiranës
