Arkeologjia duket se ka hedhur dritë mbi një mit.
Pas kërkimesh dhjetëra vjeçare, zbuluesit mendohet se kanë gjetur varrin e Kleopatrës, mbretëreshës së fundit të Egjiptit.
Bëhet fjalë për një zonë të vogël në një mjedis shkëmbor, në hijen e rrënojave madhështore të tempullit Taposiris Magna, rreth 30 kilometra larg Aleksandrisë.
Gjithsesi, koordinatat e sakta po mbahen ende sekrete nga Zahi Hawass, egjiptologu më i famshëm në botë, i cili thotë se është i bindur që ia ka dalë të zbulojë vendin e saktë të varrosjes së një nga ikonave të Egjiptit të lashtë, që jetoi nga vitet 69 deri në vitin 30 para Krishtit.
“Jam shumë afër. Mendoj se vërtet e kam individualizuar. Jam në rrugë të mbarë dhe kam shpresa të mëdha se do ta gjej shumë shpejt”.
Me zbulimin e varrit të Kleopatrës mund të dalin në dritë edhe mbetje nga dashuria e saj e madhe tragjike dhe e fundit: Mark Antoni.
Arkeologu i famshëm thotë se faza e gërmimeve është ndërprerë për momentin, pasi dhomat e varrit gjigant janë përmbytur nga uji dhe vetëm me largimin e tij mund shkohet më tej.
Sipas tij, gjetja e mumies së Kleopatrës mund të konsiderohet edhe si “zbulimi i shekullit”.
Kjo do mund të jepte shpresë edhe për eshtrat e Mark Antonit, pasi mendohet se ata u varrosën së bashku, si simbol i sakrificës dhe dashurisë.
VAZHDO TË LEXOSH MË TEPËR PËR TEMËN
A e dini historinë e mozaikut më të famshëm të gjetur në Shqipëri?
