Bazuar në disa të dhëna të publikuara nga INSTAT vihet re se emigraioni ka përmbysur raportin gjinor të popullsisë në vendin tonë.
Raporti gjinor në 2011:
-Në këtë vit Shqipëria ishte një vend ku kishte më shumë burra se sa gra.
Raporti gjinor në 2019:
-Për këtë vit, raporti gjinor ka ndryshuar, ku vihet re se janë 99.8 burra për çdo 100 gra.
-Ky raport pritet të thellohet duke shkuar deri në 89.1 burra për çdo 100 gra.
Në projeksionin e INSTAT shkruhet se:
“Gjatë periudhës 2011 – 2018, normat e emigrimit të burrave rezultuan të ishin më të larta se ato që u supozuan në projeksionet e mëparshme. Ndërsa për gratë rezultoi e kundërta, normat e emigrimit ishin disa herë më të ulta se ato të supozuara më parë. Këto ndryshime në sjelljet migratore, kanë sjellë edhe ndryshimin e strukturës gjinore të popullsisë”.
Sa parashikohet të arrijë numri i popullsisë në vitin 2031 në vendin tonë?
-Në Shqipër numri i popullsisë në 2031 parashikohet të arrijë deri në 2 milion e 745 mijë e 996 banorë.
-Numër ky që vlerësohet si 36 mijë banorë më pak se numri i parashikuar në Projeksionet e Popullsisë për 2011-2031.
Ndërkohë sipas asaj që raporton INSTAT, edhe numri i vdekjeve do të pësojë ndryshime.
INSTAT shkruan se ky numër do të vazhdojë të rritet, si pasojë e popullsisë më të madhe në moshë të vjetër.
“Ndryshimi i këtij numri është pasojë direkte e normava më të ulta të lindshmërisë dhe shpërndarja gjinore e emigrantëve e cila nuk përkon me hipotezën e Projeksioneve të Popullsisë 2011 – 2031. Rritja me ritme të ngaldalta e ISF, shoqëruar nga hyrja në moshë riprodhimi e brezave të grave më të pakët në numër se ato aktual, do të bëjë që numri i lindjeve të mos pësojë ndryshime domethënëse gjatë periudhës 2019 – 2031” shkruhet më tej në projeksionin e popullsisë 2019-2031./ E.S
