23.11.2019 - 16:41
Nga Universiteti i Gjirokastrës ku u zhvillua simpozium për bektashizmin, Kryegjyshi Botëror i Bektashinjve, Edmond Brahimaj iu drejtua me një mesazh politikanëve të cilëve iu kërkoi të mendojnë më shumë për Shqipërinë e më pak për interesat e tyre.
Baba Mondi iu bëri thirrje shqiptarëve të mos e braktisin vendin e tyre, por të qendrojne të bashkuar.
Në simpoziumin e organizuar nga Kryegjyshata Botërore Bektashiane në bashkëpunimin me Universitetin “Eqrem Çabej” me temë “Karakteri kombëtar i besimit bektashi dhe kontributi i spikatur i baba Selim Gjirokastrës” morën pjesë klerikë dhe studiues të bektashizmit.
Në përfundim të simpoziumit Baba Mondi shpërndau edhe çertifikata vlerësimi.
