Nuk dihet nëse Mërgim Mavraj do të jetë sonte në përurimin e stadiumit të ri “Air Albania Stadium”, por përmes një postimi në rrjetet sociale, ai nuk ka lënë pa shkruar dicka për impiantin e ri…
“Sot është një tjetër ditë historike për SHQIPËRINË DHE SHQIPTARËT! Një ditë e cila nuk është e rastësishme, sepse disa Burra që nuk duhen harruar, pavarësisht ku janë sot, dhanë gjithçka për ta futur Shqipërinë në hartën europiane.
Luftuan për këtë fanellë, shkruajtën historinë më gërma të arta dhe kontribuan që edhe brezat në vazhdim të kenë si pikënisje pikërisht Europianin 2016.
Unë si kapiten i Kombëtarës dua t’i them Hallall atyre Burrave! Për djersën, sakrificat, dëshirën dhe sidomos ndjenjën e fanellës kuqezi. Sot, shtëpia jonë e re do të përurohet dhe ky gëzim i jashtëzakonshëm është i pakrahasueshëm.
I tregojmë Europës se edhe ne, Shqipëria, edhe pse vend i vogël, kemi zemër dhe ambicie të madhe. Edhe ne mund të ndërtojmë stadium modern, edhe ne mund të shkruajmë historinë siç e bëmë.”
Forca Shqipëria! Forca Shqiptarët!
VAZHDO TË LEXOSH MË TEPËR PËR TEMËN
“Më kritikoni për gjestin, jo për ngjyrat kuqezi”
“Stadiumi i ri, biletë e Shqipërisë për në Europë”
