Kryeministri Edi Rama ka pritur sot përfaqësues të unioneve të besimtarëve myslimanë nga disa vende të Europës, të cilët janë bërë bashkë për të ndihmuar në rindërtimin e banesave për familjet dhe qytetarët e prekur nga tërmeti.
Rama i ka falënderuar për gjithçka që kanë bërë dhe deklaroi se ky është momenti ku kemi mundësi të bëhemi më të fortë.
“Unionet e besimtarëve myslimanë të Zvicrës, të Austrisë, Gjermanisë dhe të Italisë dhe së bashku kanë ndërmarrë një iniciativë solidarizimi si të gjithë shqiptarët në të gjithë botën.
Sot më njohën me përpjekjen e tyre dhe dëshirën e madhe për të kontribuar duke bashkuar fondet e mbledhura në funksion të rindërtimit. Unë i falënderoj për gjithçka kanë bërë dhe për gatishmërinë e tyre dhe për mundimin që kanë ardhur deri këtu.
Ndajmë së bashku dhe kënaqësinë që në këtë moment dramatik për Shqipërinë dhe të vështirë për shumë familje, shqiptarët kudo janë solidarizuar, kanë treguar një shpirt përkatësie nga Kosova, në Maqedoninë e Veriut, në Luginën e Preshevës, në Malin e Zi, pastaj në gjithë Europë, në SHBA dhe përtej këtyre destinacioneve”– deklaroi Rama.
Ai përmendi shkrimet e shenjta duke i dhënë një interpretim fetar tërmetit dhe foli për një bashkim në këto momente.
Nga ana tjetër përfaqësuesit e unioneve të besimtarëve myslimanë dhanë një mesazh për shqiptarët.
“Nuk jeni vetëm, jemi ne me ju. Janë vëllezërit e motrat tuaja kudo që janë. Ne ndihemi dhe jemi afër jush”- ishte mesazhi i tyre.
VAZHDO TË LEXOSH MË TEPËR PËR TEMËN
Tërmeti/ Vijon solidarizimi i Greqisë, sjellin 200 tonë ndihma
Vetëm për Shqipërinë – FMN jep 87 mln euro
