Ministri i jashtëm në detyrë i Shqipërisë Gent Cakaj mori pjesë në mbledhjen e ministrave të jashtëm të Ballkanit Perëndimor ku vlerësoi bashkëpunimin rajonal si një shtysë e fuqishme për procesin e anëtarësimit në BE. Cakaj theksoi se procesi i Berlinit ka ndikur tek gjashtë vendet e Ballkanit Perëndimor për nxitjen e projekteve për ndërlidhjen ekonomike dhe nismat për pajtim ndëretnik.
Statusi i Gent Cakajt:
Në mbledhjen e Ministrave të Jashtëm, në kuadër të Procesit të Berlinit në Shkup, shfrytëzuam rastin edhe njëherë të nënvizojmë rëndësinë e bashkëpunimit rajonal si shtytës i fuqishëm në procesin e anëtarësimit në Bashkimin Evropian! Ky proces ka pasur një ndikim të mirë në përmirësimin e marrëdhënieve mes gjashtë shteteve në Ballkanin Perëndimor dhe nxitjen e një varg projektesh në shërbim të zhvillimit rajonal, duke filluar nga ndërlidhja ekonomike deri te nismat për pajtim ndëretnik.
Sidoqoftë, forcimi i Procesit të Berlinit duhet të zhvillohet në të njejtën kohë me forcimin e perspektivës evropiane për të gjithë rajonin. Ndaj, në shërbim të shtimit të lidhjeve mes BE-së dhe vendeve të Ballkanit Perëndimor, nënvizuam rëndësinë e lartë të dy vendimeve të shpejta:
-Liberalizimit të vizave me Republikën e Kosovës një orë e më parë, jo vetëm për të siguruar lëvizjen e lirë të shtetasve të saj, por edhe për të konsoliduar besueshmërinë e BE-së në rajon;
-Çeljen e negociatave për anëtarësim në BE me Shqipërinë dhe Maqedoninë e Veriut, si masë e natyrshme pas përparimit të tyre në rrugën evropiane e si investim strategjik në Ballkanin Perëndimor në përgjithësi.
Shqipëria do të vazhdojë politikën e saj konstruktive në rajon e në shërbim të integrimit evropian!
VAZHDO TË LEXOSH MË TEPËR PËR TEMËN
“Furtunë” në diplomacinë shqiptare, Cakaj shkarkon 50 diplomatë
“Bllokimi i negociatave zvogëlon rolin e BE-së në rajon”
‘Fshesa në diplomaci’/ Cakaj debate me Rudina Hajdarin
