Kreu i Partisë Demokratike, Lulzim Basha konfirmon pjesëmarrjen në tubimin e nesërm të 2 marsit thirrur nga presidenti Ilir Meta. Basha bën me dije se në atë tubim nuk do të marrë pjesë si lider i opozitës, por si një qytetar në mbrojtje të Kushtetutës.
“Si qytetar i vendit tim, si bashkëshort dhe si prind, është detyra ime të mblidhem së bashku me bashkëqytetarët e mi në mbrojtje të kushtetutës! Mirutakofshim nesër në orën 17:00 në Bulevardin Dëshmorët e Kombit”, shkruan Basha.
Të gjithë përfaqësuesit e opozitës kanë konfirmuar pjesëmarrjen, megjithatë theksin e kanë vënë se në shesh do të jenë si qytetar, jo si pjesë e një partie opozitare. Tubimi do të zhvillohet ditën e nesërme, më 2 mars dhe është organizuar nga Presidenti Ilir Meta. Tubimi do të nisë në orën 17:00- 19:00, orari zyrtar, por ndoshta mund të zgjasë edhe më shumë si pasojë e zhvillimeve. Ky tubim është thirrur me moton “Për Kushtetutën, për Shqipërinë”.
VAZHDO TË LEXOSH MË TEPËR PËR TEMËN
PD: Për Ramën nuk do ketë mandat të tretë
Rama para Presidencës, mesazh Metës: Vendi, jo peng i “besëlikes”
