Komisioni Europian thotë se nuk ka bërë interpretim sa i përket mosmarrëveshjeve në Shqipëri mes mazhorancës dhe Presidentit Ilir Meta për emërimin e gjyqtarëve në Gjykatën Kushtetuese. Pas letrës që Meta i dërgoi komisionerit të Zgjerimit Oliver Varhelyi, zëdhënësja e Komisionit Evropian Ana Pisonero thotë se komisioni nuk bën komente në lidhje me mosmarrëveshjen midis autoriteteve të Shqipërisë, dhe se janë në pritje të opinionit të komisionit të Venecias për situatën në Gjykatën Kushtetuese.
Kështu, me këtë reagim të thjeshtë të zëdhënëses, kuptohet se Komisioni Evropian nuk ka pasur nevojë për “iluminim” nga Presidenti Ilir Meta, pasi në rekomandimin për vendet e BE-së që të hapin negociatat për anëtarësim me Shqipërinë duke vlerësuar progresin e bërë në vend, nuk ka asnjë interpretim, por vetëm pasqyrim të mosmarrëveshejs për emërimet në Kushtetuese.
“Presidenti Meta i është drejtuar me një letër Komisionerit Várhelyi ku ai shpjegon se ka respektuar ligjin në çdo gërmë të tij për sa i përket radhës së ndjekur për emërimet e gjyqtarëve në Gjykatën Kushtetuese. Në përditësimin e fundit të raportit për Shqipërinë botuar në 2 Mars, Komisioni pranon se “Ekziston një mosmarrëveshje në lidhje me emërimin e fundit të një prej gjyqtarëve, për shkak të një interpretimi ndryshe të procedurës së emërimit nga Presidenti i Republikës. Komisioni i Venecias do të publikojë një opinion mbi këtë çështje në Mars 2020. ”
Komisioni nuk u shpreh se Presidenti ka bërë një interpretim tjetër, por se ka një interpretim ndryshe të procedurës për emërimin e një prej gjyqtarëve nga Presidenti i Republikës. Komisioni nuk bën komente në lidhje me mosmarrëveshjen midis autoriteteve të Shqipërisë. Ne presim opinionin që Komisioni i Venecias do të publikojë së shpejti”, thuhet në reagimin zyrtar për ATSH, Zëdhënësja e KE-së Ana Pisonero.
VAZHDO TË LEXOSH MË TEPËR PËR TEMËN
Presidenti Meta publikon letrën dërguar Brukselit
“Për herë të parë një vend ka presidentin e vet kundër…”
