16.03.2020 - 16:20
Janë konfirmuar 2 raste të reja të infektuara nga koronavirusi në Kosovë.
Lajmin e ka bërë të ditur Instituti Kombëtar i Shëndetit Publik, me anë të një deklarate për mediat.
‘Nga data 08.02.2020 deri me 16.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 263 mostra të dyshimta në virusin SARS-CoV-2 dhe gjithsej pesëmbëdhjetë prej tyre kanë rezultuar pozitive’, thuhet në deklaratë.
Sipas raportimeve të mediave vendase, dy rastet kanë ardhur nga Londra.
