03.03.2020 - 08:00
Sipas Institutit të Gjeoshkencave, Energjisë, Ujit dhe Mjedisit, ditën e sotme, e martë, dt.03 Mars 2020 priten reshje shumë intensive në qarqet Shkodër, Kukës dhe intensive në shumicën e qarqeve. Reshjet pritet të jenë të shoqëruara dhe me shtrëngata.
Për shkak të intensitetit të lartë të reshjeve, në mbrëmjen e datës 3 Mars 2020 dhe pjesën e parë të ditës në vazhdim 4 Mars 2020 mund të shfaqen përmbytje lokale me afat të shkurtër. Në zonat urbane, problemet nga përmbytjet janë të varura nga gjendja e kanalizimeve.
Temperaturat minimale dhe maksimale të ajrit pritet të arrijnë:
në bregdet: 12 / 18 °C
në vendet e ulëta: 11 / 21 °C
në vendet malore: 6 / 14 °C
Era pritet të fryjë e lehtë deri mesatare për momente deri e fortë.
