Ish-drejtori i Organizatës Botërorë të Shëndetësisë në Kosovë, Skënder Syla ka thënë se pandemia COVID-19 mund të zgjasë deri në vjeshtë.
Po ashtu ai ka thënë se edhe nëse largohet gjatë verës, ky virus mund të rikthehet prapë në vjeshtë.
“Sipas disa parashikimeve të ekspertëve botërorë parashihet se do të ketë edhe valë të tjera, por ne duhet të përqendrohemi në luftën e COVID në këtë kohë. Po mund të pritet valë edhe gjatë vjeshtës, por mund të ketë qarkullim të virusit deri në atë kohë. Shtetet duhet të hapen gradualisht dhe shkallë-shkallë”, tha Syla në TV Dukagjin.
Syla që tashmë është drejtor i OBSh-së në Bullgari, tha se Kosova deri më tani ka menaxhuar mirë me këtë pandemi dhe për këtë ka falënderuar të gjithë sektorin e shëndetësisë, por edhe qytetarët të cilët po tregohen shumë të disiplinuar.
VAZHDO TË LEXOSH MË TEPËR PËR TEMËN
A ka Kosova mjaftueshëm rezerva në rast të izolimit?
“Bashkëpunoni në luftë kundër koronavirusit”
