Donald Trump sërish doli kundër Organizatës Botërore të Shëndetit në një konferencë lajmesh këtë javë.
Peter Baker nga New York Times shkroi se “Trump ka gjetur sërish ‘të keqin’ për pandeminë e koronavirusit”. Ndërsa gazeta The Guardian e përshkroi presidentin si “në një përpjekje gjithnjë e më të furishme për të larguar fajin nga vetja”.
Nuk ka dyshim se Trump është gjithmonë i prirur ta bëjë këtë. Ai kurrë nuk do të pranojë gabimet e veta, lidhur me koronavirusin.
Megjithatë, asnjë nga këto nuk e zvogëlon forcën e kritikave të tij ndaj Kinës dhe OBSH, të cilat janë në qendër të kësaj katastrofe ndërkombëtare dhe duhet të mbajnë përgjegjësi.
Në të vërtetë, Kina dhe OBSH kanë punuar së bashku, por në të njëjtën kohë ato minimizuan rreziqet që mund të vinin nga koronavirusi.
Kina veproi ashtu siç pritej.Qëllimi i Partisë Komuniste Kineze nuk është të mbrojë qytetarët e saj, e lëre më mirë për mirëqenien e vendeve të tjera, por të bëjë çfarëdo që të duket më e përshtatshme për të ruajtur kontrollin e saj diktatorial në pushtet në çdo moment.
OBSH supozohet të jetë ndryshe. Ajo thotë se vlerat e saj “pasqyrojnë parimet e të drejtave të njeriut, universalitetin dhe barazinë”.
Por është e vështirë të shihet se si OBSH do të kishte vepruar ndryshe.
Duket se OBSH miratoi narracionin e Kinës gjatë ditëve të para.
Pastaj, OBSH nuk pranoi ta quante shpërthimin në Kinë një emergjencë shëndetësore publike me shqetësim ndërkombëtar më 22 janar, në të njëjtën kohë kur kishte raste të konfirmuara në Tajvan, Australi, Japoni, Tajlandë dhe Korenë e Jugut.
Një nga gjërat më të këqija që bëri Kina ishte mbyllja e provincës Hubei nga pjesa tjetër e vendit ndërsa fluturimet vazhduan nëpër botë. A ishte OBSH e shqetësuar për këtë? Jo.
Madje Drejtori i Përgjithshëm i OBSH-së Tedros Adhanom Ghebreyesus mendoi se nëse “nuk do të ishte për Kinën, numri i çështjeve jashtë Kinës do të ishte shumë më i lartë.”
Në atë kohë, një zyrtar kinez kritikoi ashpër kufizimet e udhëtimit, duke iu kujtuar të gjithëve se “të gjitha këto masa janë kundër kundërshtimit të rekomandimeve nga OBSH”.
Në mënyrë të jashtëzakonshme, në fund të janarit, Tedros po lavdëronte zyrtarët kinezë për “transparencën që ata demonstruan”.
Në një botë tjetër, Tedros do të hiqte dorë menjëherë.
Por nuk është mënyra sesi funksionojnë organizatat e Kombeve të Bashkuara. Disa spekulojnë se Tedros mund të mendojë për një ofertë eventuale për sekretar të përgjithshëm të Kombeve të Bashkuar,
Trump shpërqendrohet, por kjo nuk do të thotë se ai nuk qëllon gjithmonë në shenjë. Kina dhe OBSH nuk janë shigjeta, por keqbërës të mirëfilltë që duhet të mbajnë përgjegjësi për ato që kanë bërë.
Përkthyer dhe përshtatur nga Politico.com
