“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacientja: A ka femra që vuajnë nga varësia ndaj alkoolit?
Mjek:
Sigurisht që ka. Këtu në klinikën tonë rreth 8% të rasteve që janë paraqitur kanë qenë femra. Por ka edhe shumë femra të tjera të cilat kërkojnë ndihmën tonë me anë të telefonit. Këto femra janë kryesisht të moshave të reja, të cilat kanë një status të lartë arsimor ose një status ekonomik të mesëm, dhe janë të sëmura nga alkooli.
Ka pasur edhe disa raste sporadike të zonave rurale që janë edhe gra me fëmijë, të cilat kanë krijuar varësinë duke konsumuar rakinë në mënyrë të fshehtë.
Faktorët që mund të shtyjnë drejt konsumit të alkoolit femrat e zonave rurale janë problemet e shumta më të cilat ato ndeshen, si: vetmia pasi bashkëshorti u ka ikur në emigracion, konflikte me vjehrrën ose të afërmit e bashkëshortit etj.
Në Shqipëri mbizotëron një depresion social-kulturor. Kemi kaluar nga një stil jete i mbyllur në një stil jete më shumë sesa të lirë dhe duke u gërshetuar tradita, nivele kulture, dijesh ka sjellë këtë depresion social-kulturor.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
