Ndërsa vendet në Europë kanë filluar të lehtësojnë masat e bllokimit, ekspertët kanë shprehur frikë nga një valë e re e infeksioneve gjatë Verës.
Shqetësimi është që nivelet më të ulëta të infeksionit të kombinuara me temperatura më të larta mund të çojnë në vetëkënaqësi midis njerëzve për të mos respektuar rregullat e distancimit shoqëror dhe higjienës.
Bazuar në studimet e pandemive të mëparshme, ekspertët thonë se një valë e dytë ka të ngjarë të ndodhë edhe këtë herë.
Stefan de Keersmaecker, zëdhënësi i Komisionit Evropian, shpjegoi se “Shtetet Anëtare duhet të përgatiten për valën e dyta eventuale të infeksionit duke shfrytëzuar çdo mundësi për të përmirësuar sistemet ekzistuese të mbikëqyrjes.” De Keersmaecker shtoi se autoritetet dhe qytetarët duhet të qëndrojnë në gatishmëri, dhe se “kjo është e rëndësishme për të siguruar që qytetarët të kuptojnë që valët e reja mund të ndodhin, edhe nëse një valë fillestare menaxhohet me sukses.”
Për ekspertët, vala e dytë e pandemisë nuk është çështje nëse, por thjesht se kur dhe për këtë arsye alarmi mbetet.
“Qeveritë janë të vetëdijshme që vala e dytë do të ndodhë dhe se ata duhet të mbajnë nën kontroll shkallën e infeksionit dhe të ri-vendosin kufizime dhe mbyllje të reja, kur ka një rritje të konsiderueshme të rasteve. Skenari i pritshëm nuk na lejon të qetësohemi pasi koronavirusi nuk do zhduket, pa vaksinën nuk është e mundur“, tha Dr. Klaus Cichutek nga Paul-Ehrlich-Institut.
VAZHDO TË LEXOSH MË TEPËR PËR TEMËN
Koronavirus/ ”Një pjesë e madhe prej nesh do të preken, 80% nuk ndjejnë asgjë”
Mikrobiologu: Virusi nuk do zhduket, pritet një valë tjetër…
Pandemia e koronavirusit dëmton rëndë ekonominë e SHBA
