18.05.2020 - 18:06
Ditën e mërkurë do të jetë protesta e radhës, e organizuar nga Aleanca për Mbrojtjen e Teatrit, në shenjë kundërshtie për shembjen e Teatrit Kombëtar.
Lajmi u bë i ditur në mbyllje të tubimit të sotëm, nga Robert Budina. Ai theksoi se protesta do të mbahet pas dy ditësh në orën 17:30.
Ky vendim erdhi pasi dita e nesërme përkon me Natën e Kadrit, një ditë e shenjtë për besimtarët myslimanë.
Protesta ishte përgjithësisht e qetë përveç një momenti kur shpërtheu një kapsoll duke plagosur një gazetare. Autori u konsiderua provokator nga ana e organizatorëve të protestës.
