Mjeku Pëllumb Pipero thotë se lokalet e natës dhe shkuma party-t në plazhe nuk duhet të hapen.
“Lokalet e natës nuk do ti këshilloja të hapeshin, në asnjë mënyrë. Edhe këto shkuma party-t, nuk do i këshilloja”, tha Pipero në një intervistë për Eni Vasilin. Sakaq, mjeku siguroi prindërit të dërgojnë fëmijët në çerdhe pa asnjë problem sepse fëmijët nuk e përhapin virusin, mund ta marrin nga të rriturit por vetë nuk e përhapin.
“Kurse çerdhet dhe kopshtet do i siguroja unë prindërit se është e dokumentuar që fëmijët deri në 12 vjeç nuk e shpërndajnë koronavirusin. Ata vetëm mund ta marrin nga prindërit, por nuk e çojnë te prindërit. Mjafton të respektojmë ato protokolle zyrtare. Edukatoret të kenë maska dhe të lajnë duart. Dorezat nuk i këshilloj fare unë.
Edukatoret ndoshta duhet të kenë protokolle të veçanta, tju bëhet tampon ose tju matet temperatura…”, përmbylli mjeku Pëllumb Pipero.
