Në një protestë simbolike, dhe në një “luftë të vazhdueshme për arritje personale, e përfitime politike, si ajo e zhvilluar kundër shembjes së Teatrit Kombëtar, ka rënë në sy përfshirja e aktivistëve të Lëvizjes Vetëvendosje në Tiranë.
Nëpërmjet një njoftimi të nxjerrë mëngjesin e sotëm Policia e Shtetit njoftoi se me rastin e operacionit për prishjen e Teatrit Kombëtar, përveç shumë procedimeve penale ka pasur edhe 7 arrestime në flagrancë.
Mësohet se të arrestuarit janë: Boiken Abazi, Kastriot Qemaj, Sokol Ndoj, Romeo Lila, Endrit Mertiri, Burim Tafilica, Edjon Xhoxhaj.
Mes tyre bie në sy, pikërisht emri i kreut të Vetëvendosjes në Tiranë, Boiken Abazi, i cili jo vetëm ishte prezent dhe mbështeti protestën, por edhe mbajti një fjalim ditën e djeshme.
Me këtë rast VV ka bërë një deklaratë zyrtare duke pretenduar, se arrestimi i Abazit është politik.
“Arrestimi i aktivistit Boiken Abazi është bërë me urdhër politik për shkak të aktivizmit të tij në mbrojtje të Teatrit Kombëtar”, pretendon VV.
Gjithashtu, Lëvizja i ka bërë thirrje qytetarëve të ju bashkohen në protestë, duke e konsideruar kështu protestën “të tyren”.
Madje, aktivistët guxojnë dhe kërkojnë edhe shpërndarjen e Kuvendit të Shqipërisë, duke listuar shkeljet e supozuara të ligjit dhe Kushtetutës.
Nuk duhet harruar, që Lëvizja Vetëvendosje në Tiranë, nuk është një parti e mirëfilltë, por është e regjistruar në Republikën e Shqipërisë si një organizatë jo-qeveritare dhe jo fitim-prurëse./konica.al
