Situata në Kosovë paraqitet jo fort e mirë përsa i përket prekshmërisë nga Covid-19. Në gjithë shërbimin spitalor aktualisht po trajtohen 509 pacientë. Prej tyre 300 janë me Covid-19.
233 janë të hospitalizuar në klinikat e QKUK-së dhe 276 në spitalet rajonale. Infektologu kujdestar Arben Vishaj ka treguar për gjendjen në Klinikën Infektive.
“Aktualisht në Klinikën Infektive kemi 108 pacientë, prej tyre 85 janë me oksigjenoterapi dhe gjithsej 14 pacientë në gjendje klinike jashtëzakonisht të rëndë. Mund të themi se janë në gjendje kritike. Numri i pacientëve të pranuar sot ka qenë i madh. Jemi duke u ballafaqur me një situatë të rëndë. Ditëve të fundit kemi një rënie të lehtë të fluksit në krahasim me ditët e mëparshme por edhe më tutje mbretëron një gjendje e rëndë, me numër të madh të pacientëve dhe me forma mjaft të rënda klinike”, tha Vishaj.
Ai u shpreh optimist për situatën pasi sipas tij përkushtimi i stafit është shumë i madh.
