Drejtori i përgjithshëm i Policisë në Kosovë, Rashit Qalaj, ka paralajmëruar ndëshkim ndaj qytetarëve që nuk marrin masat për mbrojtje nga koronavirusi.
Qalaj, i ftuar në emisionin e mëngjesit në KTV, ka thënë se nga nesër Policia dhe inspektorët do të fillojnë me informimin e publikut për nevojën e mbajtjes së maskave në hapësirat publike.
“Nga nesër, Policia e Kosovës do të fillojë më seriozisht monitorimin nëse po respektohen vendimet e Qeverisë. Së bashku me inspektorët do të fillojmë me informimin, e pas disa ditësh do të nisim edhe me marrjen e masave ndëshkimore”, ka thënë Qalaj.
Po ashtu, ka njoftuar se aktualisht janë 73 raste aktive me COVID-19 në Polici, derisa 224 pjesëtarë janë në vetizolim. Instituti Kombëtar i Shëndetit Publik (IKSHPK) njoftoi dje se janë regjistruar edhe 216 raste të reja me koronavirus pas testimit të 493 mostrave.
VAZHDO TË LEXOSH MË TEPËR PËR TEMËN
“Po e pres propozimin për zgjidhjen e çështjes me Kosovën”
“Koronavirusi po teston shtetin por s’do ju mungojnë ushqimet!”
