Shërbimi meteorologjik ushtarak parashikon se kjo javë do të nisë me vranësira dhe kushte jo të qëndrueshme meteorologjike, por duke filluar nga dita e martë do të nis përmirësimi i kushteve atmosferike.
“Këta do të vazhdojnë të marrin jetë”, rrëfehet vëllai i Zhaneta Josifit: Bisedat e fundit me motrën dhe mbesat. Blerta në spital më tha…
Po ashtu bëhet e ditur se për të gjithë pushuesit në bregdet përgjatë kësaj jave do të jetë problematike era.
Sa i përket zonave malore vranësirat edhe reshjet e shiut do të jenë prezentë gjatë kësaj jave.
“Java nis me ditën e Hënë me kushte jo të qëndrueshme meteorologjike. Moti do të nis me kthjellime por shumë shpejt nisin shtimet e vranësirave mesatare deri të dendura. Vranësirat do të shoqërohen me reshje shiu të herëpashershme me intensitet të ulët në pjesën më të madhe të vendit. Nga orët e mesditës deri ato të pasdites në relievet malore dhe ato kodrinore reshjet me intensitet deri mesatar në formën e shtrëngatave dhe stuhive e lokalisht rebesh shoqëruar me breshër.
Duke filluar nga dita e Martë nis përmirësimi i kushteve atmosferike. Moti do të jetë kryesisht i kthjellët si dhe vranësira kalimtare nga orët e mesditës deri ato të pasdites në relievet malore dhe zonat përreth tyre. Në këto zona do të ketë reshje shiu në formën e shtrëngatave dhe stuhive dhe në zonën e juglindjes edhe rrebeshe shoqëruar me breshër.
Duke nisur nga dita e Mërkurë deri ditën e Premte moti do të jetë i kthjellët me vranësira të pakta kalimtare në relievet malore në orët e mesditës.
Por duhet theksuar se deri ditën e Premte do të jetë elementi i erës që do të jetë problematik kryesisht për ata që ndodhen me pushime përgjatë vijës bregdetare. Ajo do të jetë relativishht intensive me drejtim kryesor nga kuadrati i veriut dhe shpejtësi mesatare 4-8m-s. Hera-herës era me rrahje me shpejtësi deri në 10-18m-s”, njofton SHMU.
