Lëvizja Vetëvendosje ka filluar me mbledhjen e nënshkrimeve për mocionin për rrëzimin e Qeverisë.
E ende nuk dihet nëse VV i ka numrat për ta rrëzuar qeverinë.
Gjatë ditës u raportua se edhe deputetë nga LDK priten të votojnë për rrëzimin e Qeverisë Hoti.
Lidhur me këtë, profesori Riza Smaka, ka thënë se çështja e sigurimit të numrave është problematike, pasi ka tendenca që as nga opozita të mos ketë përkrahje për ta rrëzuar qeverinë.
“Çështja e sigurimit të numrave të nevojshëm për të ngritur mocionin për votimin e mosbesimit të Qeverisë aktuale është pak ca problematik, në radhë të parë nga se sikundër partitë politike pozitare madje edhe disa opozitare jo nga parimet por nga tendenca apriori nuk mund të pritet mbështetja e nismës për rrëzimin e Ekzekutivit në fjalë”, është shprehur ai.
Sipas Smakës, qeveria është formuar në rrethana problematike kushtetutare dhe dështake.
“Ndryshe Qeveria aktuale është formuar në rrethana problematike kushtetutare në një anë dhe është demonstruar inaktive, inefikase dhe dështake, në anën tjetër”, ka deklaruar Riza Smaka për “Bota sot”.
VAZHDO TË LEXOSH MË TEPËR PËR TEMËN
‘Palët duhet ta kapin momentin e ri në dialog’
“Kombi qytetërohet me mësimin e gjuhës”
“Një marrëveshje e mirë Kosovë-Serbi s’mund të arrihet pa BE”
