Edy Reja dha mesazhin e qartë për Eros Grezdën: Të kërkojë falje dhe të kthehet në Kombëtare. Talenti i tij nuk vihet në diskutim as nga trajneri i kuqezinjve, i cili pranoi se me një sjellje tjetër, ai do të ishte përsëri pjesë e kuqezinjve për të dhënë kontributin për skuadrën.
Një tjetër provë e këtij talenti erdhi sot, në ndeshjen e Osijek ndaj Dinamos së Zagrebit, kur Grezda tundi rrjetën për skuadrën e tij. Në fillimin e pjesës së dytë të sfidës, me rezultatin 1-0 për Dinamon vendase, Grezda leshoi një gjuajtje të pakapshme për portierin kundërshtar, duke dërguar sferën pas krahëve të tij e barazuar shifrat.
Një gol i rëndësishëm për futbollistin që vazhdon të monitorohet me shumë interes nga stafi i Kombëtares, siç e pranoi vetë Reja, edhe për faktin se më në fund bëhet protagonist brenda katërkëndorit me skuadrën e tij.
Gjithsesi, ky gol vlen shumë në aspektin personal dhe një mesazh I qartë se Grezda ka vlera. Megjithatë, Grezda së pari duhet të flaës me trajnerin dhe FSHF, ndoshta edhe një ndjesë publike, pastaj mund të rifitojë fanellën kuqezi.
VAZHDO TË LEXOSH MË TEPËR PËR TEMËN
“Mendojnë se janë Messi, por nuk është kështu”
