Filmi vjen si një “ëndërr raciste”. Ngjarjet zhvillohen në Gjermani – vendi evropian më i “sulmuar” së fundmi, për një jetesë më të mirë. Pavarësisht makthit dhe paranojës, çifti shqiptar kalon çdo ditë mes dyjëzimit brenda vetes. Sa hapin sytë, janë mu para shikimeve “akuzuese” të fqinjëve a kolegëve. Sapo i mbyllin mbi nënkresë, me veten… nuk kanë të sosur monologjet e trishtimit. /Konica.al
Regjisori shqiptar nga Kosova, Visar Morina, me filmin “Ekzil”, ia dolën ta rrëmbejnë çmimin e madh, në festivalin e Sarajevës! Ky, vjen si një tjetër sukses, pas filmit të parë “Babai”, që u vlerësua për regjinë më të mirë “Karlovy Vary”. Morina, regjisor e bashkëskenarist, këtë herë sjell vuajtjet shpirtërore, vështirësitë psikologjike dhe deri paranojat e një emigranti në Gjermani, që ndihet i gjykuar dhe i përjashtuar nga kolegët apo shoqëria.
Prestigjiozja hollivudiane “The Variety”, e kishte sugjeruar “Ekzilin” e Morinës, si një prej 10 filmave europianë që duheh parë – Xhaferri, personazhi kryesor me profesion inxhinieri kimist, shfaqet dhe fiton në një kohë kur ka pasiguri të vazhdueshme, për miliona refugjatë në Europë.
Regjisori Morina është shprehur se, Xhaferri në një farë mënyre, personifikon vetë atë, që ka emigruar nga Kosova drejt Gjermanisë, në moshë të re, për shkak luftës dhe regjimit të Millosheviçit.
Personazhi shpërfaq të gjitha nuancat e pasigurisë së tij mbi vendin që i takon në shoqëri, por njëherësh, si çdo viktimë edhe ai e përçon dhunën që ndjen, te njerëzit më të dobët se ai.
Skenari i filmit merr shkas nga një ngajrje e dhunshme e vitit 2016 në Këln, ku Morina është shprehur të ketë ndier paranojënn mbi ndryshimin e qasjes ndaj emigrantëve në Gjermani.
Në festivalin e Sarajevës u shfaqen 187 filma, nga 56 vende. Çdo shfaqje pati jo më shumë se 100 shikues, që respektuan distancimin social, duke ofruar kështu në Ballkan, një shembull për ngjarjet kulturore në kohë rrezikshmërie për shëndetin.
Bëni mirë, ta shihni!
VAZHDO TË LEXOSH MË TEPËR PËR TEMËN
Cineuropa: Visar Morina fitues me “Eksil”
Mediet gjermane: Filmi shqiptar vesh lëkurën e racizmit…
