Oreksi vjen duke ngrënë. Pas ka fituar të drejtën për të organizuar Botërorin e futbollit më 2022-in, Katari ka konfirmuar se do të hedhë kandidaturën për të organizuar Lojërat Olimpike të vitit 2032.
Komiteti Olimpik i shtetit arab ka deklaruar se ka nisur një fazë dialoguese me Komitetin Olimpik Ndërkombëtar (IOC), për të mirëpritur eventin e madh olimpik. Siç dihet, Olimpiada e këtij viti (Tokio 2020) u shty për verën e ardhshme, ndërkohë që Lojërat Olimpike të vitit 2024 do të organizohen në Paris dhe ato të vitit 2028 në Los Angeles.
Katari ka nisur të organizojë disa evente madhore kohët e fundit, përfshi edhe botërorin e atletikës një vit më parë. “Ne po fitojmë nga viti në vit më shumë përvojë në organizimin e eventeve të mëdha në sport. Jemi duke hedhur bazat për organizimin e një Olimpiade”, – tha sheiku Joann bin Hamad bin Khalifa al-Thani, presidenti i Komitetit Olimpik të Katarit.
Kjo do të jetë hera e parë në historinë e olimpizmit që një shtet arab organizon një event të tillë, ndërsa në Azi janë zhvilluar në Australi, Kinë dhe vitin e ardhshëm në Japoni. Afrika nuk ka organizuar asnjëherë Olimpiadë, ndërsa Amerika Latine përfaqësohet vetëm me Brazilin në 2016.
VAZHDO TË LEXOSH MË TEPËR PËR TEMËN
Bota me fat, Olimpiada do bëhej vetëm në Gjermani
Japonia flet qartë për Olimpiadën “Tokyo 2020”
