Policia polake mbrëmjen e kaluar njoftoi se fluturimet e rregullta me Shqipërinë ishin mbyllur, por udhëtarët e fluturimit të fundit nuk u lejuan dhe bëhej fjalë për rreth 50 shqiptarë të cilët pretendonin se kishin në fakt një ditë që prisnin aty.
Ministria për Evropën dhe Punët e Jashtme informon se shqiptarët të cilët u bllokuan në Varshavë tashmë janë rikthyer në Shqipëri me avion charter.
Sipas MEPJ, kthimi ka ndodhur menjëherë sot në mëngjes ku dhe kanë mbërritur në Rinas.
Ministria e Jashtme e konsideron vendim të papritur atë të Polonisë për të ndryshuar regjimin e hyrjes së qytetarëve shqiptarë në Poloni pikërisht të shtunën.
Reagimi i plotë
Njoftim lidhur me moslejimin e qytetarëve shqiptarë në Aeroportin e Varshavës
Në mënyrë të papritur, Polonia ka ndryshuar regjimin e hyrjes së qytetarëve shqiptarë në Poloni.
Për shkak të këtij ndryshimi, ditën e shtunë, më 15 gusht 2020, qytetarë shqiptarë, të cilët u nisën në udhëtim drejt aeroportit të Varshavës me linjën ajrore të Kompanisë Polake, LOT Airline, nuk janë lejuar, që të hyjnë në Poloni.
Ambasada e Republikës së Shqipërisë në Poloni në komunikim të ngushtë me disa shtetas të bllokuar në aeroportin e Varshavës, u vu menjëherë në komunikim me autoritetet vendase dhe me drejtuesit e kompanisë ajrore LOT Airline, duke arritur të bëhej e mundur vendosja e një avioni charter në dispozicion të shtetasve, për t’i rikthyer në atdhe, sot, e diel, 16 gusht 2020, herët në mëngjes.
VAZHDO TË LEXOSH MË TEPËR PËR TEMËN
