Në të gjithë vendin, operojnë në total 6443 biznese me pronësi të huaj apo të përbashkët, nga afro 155.900 ndërmarrje të regjistruara në Qendrën Kombëtare të Biznesit, apo 4 % të totalit.
Ajo që vihet re është se shumica e subjekteve kanë parë kryeqytetin si hapsirën më tërheqëse për të zhvilluar aktivitetin e tyre, kjo për shkak edhe se në Tiranë është përqendruar numri më i lartë i popullisë, pjesa më madhe e shërbimeve, çka bën që konsumi të jetë më i lartë si dhe standardi ekonomik, gjë që premton në një farë forme edhe suksesin e këtyre bizneseve.
Afro 65.7 për qind të ndërmarrjeve të huaja ose të përbashkëta në vend, apo 7 në 10 biznese, ushtrojnë aktivitetin e tyre në Tiranë. Sipas të dhënave të Bashkisë Tiranë, 4232 subjekte të huaja apo me pronësi të përbashkët zhvillojnë aktivitet në kryeqytet, çka përbën 9 për qind të totalit.
Aktivitetet ekonomike të konsulencës menaxheriale dhe tregtisë me shumicë, janë sektorët ku kryesisht pronarët / bashkëpronarët janë të huaj.
Nga viti në vit numri i subjekteve të huaja në kryeqytet ka pësuar rritje të vazhdueshme, me +1.12% në 2019 dhe +29.5% në 2018.
VAZHDO TË LEXOSH MË TEPËR PËR TEMËN
Investimet e huaja fokusohen te energjia dhe industria
