02.09.2020 - 10:25
Kryetari i BDI-së Ali Ahmeti po intervistohet në këto momente nga Gjykata Speciale, në cilësinë e dëshmitarit.
Intervistimi ka nisur në orën 09.30 minuta, ndërsa pritet që Ahmeti të merret në intervistë edhe nesër.
Ahmeti po intervistohet në në Prishtinë ne objektin e EULEX-it.
Ali Ahmeti, lider i BDI-së dhe një prej figurave kyç të UÇK-së në Maqedoninë e Veriut, u ftua më herët nga Specialja, në cilësinë e dëshmitarit.
Kujtojmë se Gjykata Speciale e Kosovës ka ftuar për intervistime disa ish-luftëtarë të UÇK-së, ndërsa roli i saj është për zbardhjen e krimeve të supozuara të kohës së luftës.
