Skënder Brataj, kreu i Urgjencës Kombëtare, tha se agresiviteti i virusit është ulur dhe se tashmë shumica e të prekurve po e kalojnë më lehtë sëmundjen
“Thirrjet janë më të ulura krahasuar me Korrik-Gushtin. Forca e infektimit ka rënë pavarësisht numrave që duket sikur ka ardhur çdo gjë në rritje. Vetë sëmundja ka forma shumë të lehta. Ka shumë njerëz që e kalojnë me 2-3 ditë, me shenja të lehta dhe as me temperature”.
Bratajt tha se në javët në vijim pritet një ulje e numrit të infektimeve.
“Vlerat e Gushtit ishin rezultat i Qershor-Korrik me lirimin e masave. Do të presim akoma edhe ulje të tjera të shifrave, por ajo që është shqetësuese është kryqëzimi i stinëve me të gjithë faktorët favorizues dhe jo favorizues”.
I pyetur për numrin e lartë të vdekjeve në Gusht dhe atyre të dy muajve të fundit për shkak të koronavirusit, Brataj thotë se mbi 90% e viktimave kishin sëmundje bashkëshoqëruese.
“Mos t’i veshim vetëm ngjyrën e Covidit numrit të të vdekurve, sepse janë 6 muaj. Shumica, për të mos thënë mbi 90%, janë me sëmundje shoqëruese, që edhe një grip ose sëmundje tjetër mund të shkaktonte humbjen e jetës”.
Me ardhjen e vjeshtës dhe dimrit, ekspertët thonë se nuk duhet të ulet vigjilenca, pasi historia e koronaviruseve tregon se ato mbijetojnë në temperatura të ulëta. Sipas tyre, këtë periudhë duhet të ashpërsohen masat frenuese.
VAZHDO TË LEXOSH MË TEPËR PËR TEMËN
Brataj tregon gjendjen shëndetësore: Tani kam kollë, nuk është e lehtë
Brataj: Agresiviteti i virusit është ulur. Koronaviruset mbijetojnë në temperatura të ulëta
A do kemi situatë dramatike në spitale? Flet kreu i Urgjencës Kombëtare
