Më shumë se dy muaj pas marrëveshjes së tyre të fondit triumfues të rimëkëmbjes, udhëheqësit e BE-së janë gjithnjë e më nervozë për të.
Për javë të tëra, këshilli i ministrave të bllokut dhe parlamenti kanë patur debate rreth detajeve të paketës masive të buxhetit të epokës së pandemisë.
Presidenca gjermane e BE ka nxitur eurodeputetët të heqin dorë nga debatet, ndërsa eurodeputetët akuzuan këshillin për shantazh ndaj tyre.
Kryeqytetet e BE duan të nënshkruajnë marrëveshje me parlamentin nga mesi i tetorit për t’u lejuar vendeve anëtare shumë kohë për të ratifikuar mekanizmin e fondeve të rimëkëmbjes në legjislaturat e tyre.
Ndër vendet që shikojnë me sy kritik është Franca. Clément Beaune, ministri i Evropës, javën e kaluar i tha Financial Times se ai po planifikonte të vizitonte disa vende përfshirë Hollandën për të kapërcyer pengesat politike për miratim. “Është shumë e rëndësishme ta bëjmë shpejt,” tha ai. “Është një sfidë e paparë. Zakonisht duhen mesatarisht 18 muaj dhe këtë ratifikim mendoj se do ta bëjmë në tre ”.
Javën e kaluar disa vende anëtare, përfshirë holandezët, paralajmëruan se nuk ishin të gatshëm të shtynin ratifikimin e fondit të rimëkëmbjes përmes parlamenteve të tyre kombëtare derisa të shohin një marrëveshje të arritur midis këshillit të BE dhe legjislaturës.
Bllokimi më i madh është hartimi i mekanizmit të sundimit të ligjit. Parlamenti i BE dëshiron të krijojë një sistem të ashpër që lejon pezullimin e financimit të bllokut kur një vend shkel normat e sundimit të ligjit.
Por këshilli është ende i pavendosur. Është e paqartë nëse samiti i kësaj jave i BE do të sigurojë një mundësi për një marrëveshje për t’u arritur midis kryeqyteteve.
“Nuk ka një zgjidhje perfekte për enigmën e sundimit të ligjit”, tha një diplomat i vjetër i BE.
Ligjvënësit janë të bindur se duan të shohin një mekanizëm që mund të ndëshkojë të fortët e brendshëm të bllokut.
“Parlamenti Evropian dëshiron të sigurojë që autokratët si kryeministri i Hungarisë Viktor Orban nuk do të përfitojnë nga paratë evropiane,” tha Rasmus Andresen, një eurodeputet dhe pjesë e ekipit negociues të parlamentit të BE.
Përkthyer dhe përshtatur nga The Guardian/ konica.al
VAZHDO TË LEXOSH MË TEPËR PËR TEMËN
BE, 750 miliardë euro për rimëkëmbjen nga koronavirusi
“Plani marshall europian në veprim”, Shqipëria pjesë e tij
“Miratim të marrëveshjes së fondit të rimëkëmbjes”
