03.09.2020 - 14:27
Ish-kryeministri i Kosovës Agim Çeku i cili ka qenë edhe ish komandant i Shtabit të Përgjithshëm të UÇK, ftohet nga Gjykata Speciale në Hagë, lidhur me akuzat për krimet gjatë Luftës së Kosovës.
Ai do të udhëtojë për në Hagë më 28 shtator. Çeku konfirmoi për Euronews Albania se ka marrë ftesën dje dhe është ftuar në cilësinë e të dyshuarit.
“Po, me kanë ftuar në cilësinë e të dyshuarit dhe më 28 të këtij muaji udhëtoj për intervistim”, tha ai.
Prokuroria Speciale ka thirrur për këto akuza edhe Presidentin e Kosovës, Hashim Thaçi dhe kryetarin e Partisë Demokratike, Kadri Veseli.
