Vladimir putin dhe zyrtarët e tij nuk pranojnë të shqiptojnë emrin e Alexei Navalny, kundërshtari kryesor i Kremlinit, në publik.
Por në Berlin, ku Navalny po trajtohet, në spital që nga helmimi i tij në Siberi më 20 gusht, ai është tema kryesore e qytetit. Në 7 shtator ai doli nga një gjendje kome. Mjekët gjermanë paralajmërojnë se është shumë herët për të vlerësuar dëmin afatgjatë të shëndetit të tij.
Dëmtimi i marrëdhënieve të Gjermanisë me Rusinë, megjithatë, është tashmë i qartë.
Udhëheqësit globalë e kanë njohur shumë pak njëri-tjetrin për sa kohë që Putin, erdhi në pushtet në vitin 2000, dhe Angela Merkel, e cila mori detyrën si kancelare e Gjermanisë pesë vjet më vonë.
Në momente krize ata kanë folur çdo ditë. Por familjariteti ka sjellë një farë përbuzjeje.
Në vitin 2014, e ngopur me gënjeshtrat e Putinit për Ukrainën, kancelarja shtyu pjesën tjetër të BE-së për të vendosur sanksione ekonomike ndaj Rusisë.
Që atëherë, shkeljet ruse, përfshirë hakimin e sistemeve kompjuterike të Bundestag në 2015 dhe vrasjen e një disidenti çeçen në një park në Berlin, ka acaruar më tej gjendjen.
Përgjigja e Merkel ndaj sulmit ndaj Navalny, përfshirë kërkesat për një hetim të plotë rus, ka qenë jashtëzakonisht e ashpër. Në nivelin e BE, sanksionet “horizontale” , pra që nuk synojnë vende të veçanta, janë të mundshme.
Megjithatë, debati në Gjermani është përqendruar në Nord Stream 2, një tubacion nënujor pothuajse i përfunduar prej 9.5 miliardë eurosh (11 miliard dollarë) që mund të dyfishojë furnizimet e gazit nga gadishulli Yamal i Rusisë në bregdetin gjerman dhe nga atje në pjesën tjetër të Evropës.
Evropianët Lindorë dhe Amerikanët e urrejnë Nord Stream 2. Merkel, u ka besuar homologëve të saj evropianë. Megjithatë, për vite me radhë, ajo i ka rezistuar lutjeve për ta hequr atë.
Tani ka shenja të një ndryshimi. Më 6 shtator Heiko Maas, ministri i jashtëm, tha se Gjermania do të rimendojë marrëveshjen e tubacionit. Megjithëse nuk janë ofruar detaje, Merkel nuk vepron pa plan.
Megjithatë mund të jetë më shumë një përpjekje për të shtrënguar Putin sesa një kërcënim i mirëfilltë.
Pezullimi i Nord Stream 2 do të zemërojë njerëzit e biznesit gjerman dhe mund të kërkojë miliarda euro për shumë kompani evropiane.
Situata me Bjellorusinë është më e qartë. BE ka vendosur ndalime të udhëtimit dhe ngrirje të pasurive të zyrtarëve bjellorusë përgjegjës për zgjedhjet e manipuluara në gusht dhe për trajtimin brutal të kryer pas saj, së fundmi për Maria Kolesnikova, një udhëheqëse e opozitës e ndaluar në 7 Shtator.
Zyrtarisht, debatet për sanksionet e Bjellorusisë dhe Rusisë po vazhdojnë. Por ndërkohë që Merkel peshon opsionet e saj mbi Rusinë, përshkallëzimi në Minsk nuk do të jetë larg.
Përkthyer dhe përshtatur nga The Economist/ Konica.al
VAZHDO TË LEXOSH MË TEPËR PËR TEMËN
Merkel mesazh të fortë Putinit: Përgjegjësit të ndëshkohen
Dilema më e madhe e Merkelit, lidhet me Putinin!
Merkel po e ndëshkon Putinin. Po Macron?!
