Prokuroria Speciale e Hagës e ka ftuar për intervistim edhe një ish-pjesëtar të Ushtrisë Çlirimtare të Kosovës (UÇK).
Ish-gjenerali Alush Agushi (Mala) është i ftuari i radhës nga Specialja. Lajmin e ka bërë të ditur vëllai i tij, ish-pjesëtari i UÇK-së, Ramush Agushi.
“Gjykata Speciale në përmbushjen e misionit të saj po i vazhdon thirrjet e të gjithë çlirimtarëve tanë, sot është ftuar në intervistim edhe Gjeneral Alush Agushi( Mala), vëlla ashtu si ti dhe shumë çlirimtarë të tjerë do të triumfoni edhe përballë kësaj pa drejtësie, sepse kontributi juaj për vendin nuk ka të bëjë me kurfar krimi, misioni juaj ishte çlirimi i Kosovës! Asnjë gjykatë nuk mund ta njollosë luftën e UÇK-së, e cila ishte më e pastër se loti!” ka shkruar Agushi.
Ish-komandanti i shtabit të përgjithshëm të UÇK-së, Agim Çeku dje është ftuar për intervistim në cilësinë e të dyshuarit nga Gjykata Speciale.
