Kryeministri, Edi Rama, mbetet i vendosur për të çuar përpara kodin e ri zgjedhor përkundër paralajmërimit të presidentit Ilir Meta se do ta kthejë në Kuvend. Madje Rama insistoi që Presidenti ta firmosë sa më shpejt dekretin.
“Ta firmosë dhe ta kthejë sa më parë që të vazhdojë implementimi dhe ne do ta votojmë fiks siç e kemi votuar” tha Rama për gazetarët.
Sa i takon paralajmërimit të kryeopozitarit Basha se kryeministri do të mbajë përgjegjësi penale nëse nuk zbaton planin e tij me 5 pika për ekonominë, Rama tha:
“Kush është ky plani me 5 pika, nuk kam asnjë ide për planin me 5 pika!”
Deklaratat, kryesocialisti Rama i bëri pas mbledhjes me drejtuesit politik në qarqe.
Në fokus të mbledhjes, që vjen fill pas Asamblesë Kombëtare, ka qenë organizimi i punës në terren në funksion të zgjedhjeve të përgjithshme parlamentare të 25 prillit 2021.
Partia Socialiste është futur në një proces riorganizimi të brendshëm. Deputetë dhe ministra socialistë do ti nënshtrohen vlerësimit të anëtarësisë, por jo vetëm.
Gjithë ky vlerësim, që do të zhvillohet përmes teknologjisë, do ti shërbejë PS dhe kryeministrit Rama për hartimin e listave finale të kandidatëve për deputetë.
VAZHDO TË LEXOSH MË TEPËR PËR TEMËN
