Një tërmet i fortë është regjistruar pak minuta më parë në ishujt Dodekanezë të Greqisë.
Sipas të dhënave paraprake tërmeti ka qenë i magnitudës 6.9 i shkallës rihter, dhe në një thellësi prej 10 kilometrash.
Epiqendra është regjistruar në det, vetëm 13 kilometra nga Neon Karlovasion në Greqi dhe 66 kilometra nga qyteti i Izmirit në Turqi.
Presidenti i Turqisë Recep Tayyip Erdoğan, përmes një reagimi të pak minutave më parë në Twitter, Erdogan shkruan se të gjitha autoritetet janë në terren dhe po punojnë në operacionet e kërkim-shpëtimit dhe të evakuuimit.
“.. jemi pranë qytetarëve tanë të prekur nga tërmeti. Ne morëm masa për të filluar punën e nevojshme në rajon me të gjitha institucionet dhe ministrat tanë përkatës”, shkruan Edrogan.
Sipas raportimeve paraprake, disa ndërtesa janë shembur në qytetin turk të Izmirit. Pamjet e frikshme kanë vërshuar në rrjetet sociale.
Qyteti duket i mbuluar nga pluhuri pas shembjes së ndërtesave, ku dyshohet edhe për viktima. Lëkundjet kanë qenë tepër të forta, në një thellësi prej 10 kilometrash dhe janë ndjerë deri në Athinë.
Në zonat bregdetare raportohet se tërmeti ka shkaktuar tërheqjen e detit, duke ngjallur frikë për cunami.
Autoritetet në Turqi raportojnë se qytetet e prekura më tepër janë Seferihisar, Urla, Kusadasi, Bornova, Goztepe, Bostanli dhe Mavisehir.
“Ishte një tërmet shkatërrues”. Kështu është shprehur ambasadori i Shqipërisë në Turqi, Kastriot Robo.
Në një intervistë për News24, diplomati thotë se në zonën e Izmirit ka shumë shqiptarë, por deri tani nuk raportohet për të lënduar.
